Næstu skref í afléttingum frá 18.maí til 31.maí – Tígull.is – Fréttir og viðburðir í Vestmannaeyjum
Hraunbúðir

Næstu skref í afléttingum frá 18.maí til 31.maí

18.05.2020

Við þökkum skilning, þolinmæði og traust sem þið hafið sýnt okkur á undanförnum vikum.

Það er mikið tilhlökkunarefni að við sjáum loks fyrir endann á þessu tímabili hafta á heimsóknum og skiptingum á heimilinu. Við höfum þó lært ýmislegt sem við munum hafa í sessi áfram og annað sem við munum fara varlega í að breyta. Við tökum næstu skref í afléttingum út maí skv því sem að neðan greinir og ef ekkert óvænt kemur upp á reiknum við með að allt verði orðið í mun eðlilegri farvegi í júní.

• Við höldum skiptingum heimilisfólks og starfsfólks á ganga út maí en sú breyting er gerð að allir heimilismenn nema þeir sem eru á „nýju“ álmunni, borða í stóra matsalnum en á sitthvorum tíma og á sitthvoru svæði í salnum, sú breyting tók gildi 15.maí.

• Heimsóknir til heimilisfólks út maí verða með því sniði að leyfðar eru tvær heimsóknir á viku til hvers heimilismanns eða eftir samkomulagi. 

• Óskað er eftir að aðstandendur skrái sig áfram á ákveðna tíma fyrir tímabilið út maí. Við reynum að halda svipuðum tímum og verið hafa undanfarið, með möguleika á fleiri tímum.

• Skráningar óskast sendar á hraunbudir@vestmannaeyjar.is 

• Sömu reglur gilda varðandi sóttvarnir aðstandenda, þ.e sápuþvottur handa og sótthreinsun um leið og komið er inn, maski, skóhlífar, einn í einu og 2 metra reglan eins og mögulegt er.

• Farið er beint inn á herbergi heimilismanns og beint út aftur.

• Ef veður er gott er hvatt til gönguferða með heimilismanni en að bílferðir og heimsóknir út í bæ bíði þar til í júní. 

• Við treystum aðstandendum til að framfylgja þessum reglum eins og verið hefur. 

• Hársnyrting- og fótsnyrting mega taka á móti þjónustuþegum á þeim tíma sem tryggt er að ekki sé samgangur á milli heimilisfólks og gesta, með ítrustu sóttvarnaraðgerðum á milli gesta. 

• Stefnt er að því að í júní verði allt komið í mun eðlilegra form varðandi heimsóknir, opnað verði á milli dagdvalar, þjónustuíbúða og Hraunbúða og þeir föstu gestir sem komið hafa í hádegismat á Hraunbúðir geti komið þá. 

Við viljum þó ítreka að ef aðstæður í samfélaginu breytast til verri vegar og smit vegna Covid 19 aukast aftur gætum við þurft að endurskoða allt og fara aftur í stífari reglur

Share on facebook
Share on twitter
Share on linkedin
Share on google
Share on print
Ási í Bæ – myndband frá SIGVA media frá 2014
Lokadagar Safnahelgar – Mikil ánægja með sýningarnar
Hleðslan á Vigtartorgi kemur virkilega vel út – myndband
Glæsileg bronsstytta af Ása í Bæ komin á bryggjuna – myndband
Sýningarnar verða fram yfir næstu helgi
Sjósund í Höfðavík – myndband

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X