Múslimar, gyðingar og kristnir á Ís­landi ætla að biðja saman biðja saman með leiðtogum Íslands

30.04.2020

Leið­togar þriggja trúar­hópa ætla sér að koma saman í opinni bæna­stund á morgun sem sýnd verður í beinni út­sendingu á Youtu­be. Mu­hammed Emin Kizilka­ya, einn skipu­leggjanda hjá sam­tökunum Fé­lag Horizon segir í sam­tali við Frétta­blaðið að mark­miðið sé að ýta undir sam­heldni milli ein­stak­linga af ó­líkum hópum hér­lendis.

Saman munu koma þau Steinunn Arn­þrúður Björns­dóttir og Skúli Sigurður Ólafs­son, prestar við Nes­kirkju, Imam Sal­mann Tamimi, for­maður Fé­lags múslíma á Ís­landi, Derya Ozdi­lek for­maður Fé­lags Horizon og Avra­ham Feld­man, rabbíni. Þau ætla sér að biðja saman fyrir mann­kyninu á þessum erfiðu tímum vegna CO­VID-19 heims­far­aldursins.

„Við ætlum að biðja á okkar eigin hátt fyrir lífinu. Imam mun biðja að hætti Íslam, prestarnir að hætti kristninnar, rabbíninn að hætti gyðinga, bara fyrir mann­kyninu vegna þessarar veiru og hættunnar af henni,“ segir Mu­hammed.

„Við gleymum öllu ó­sætti þegar aðs­vífandi hætta líkt og veiran stafar af. Við­burðinum er ætlað að minna okkur á það að mann­kynið stendur saman gegn þessari ógn. Nú erum við ekki múslímar, kristið fólk eða gyðingar, við erum menn í bar­áttu gegn þessari veiru,“ segir Mu­hammed og bendir á að veiran ógni öllum, sama hverrar trúar þau eru eða hvaðan þau eru.

Bæna­stundin mun fara fram klukkan 13:00 til 13:45 á morgun, fimmtu­dag. Hópurinn mun hittast í gegnum fjar­skipta­búnað eins og háttur hefur verið á í sam­komu­banni undan­farnar vikur. Mu­hammed segir að hópurinn hafi fengið góð við­brögð við þessum við­burði.

„Þetta fór í loftið í gær og það er magnað að sjá já­kvæðnina. Venju­lega vekja færslur hjá okkur tak­markaðan á­huga en núna virðist vera mikil stemning í loftinu,“ segir Mu­hammed. „Ég held að fólk þurfi á þessu að halda á þessum síðustu og verstu.“

Hér má finna Facebook viðburð fyrir bænastundina.

#COVID19.

Kæru vinir. Meðlimir í Félag Horizon munu gera innifalið sameinandi stund fyrir mannkynið í miðjum Covid-19 veikin í beinni útsendingu á YouTube á morgun með þátttöku háttvirtra samfélags leiðtoga frá Íslandi.

Beint streymið fer fram milli kl. 13:00 núna á fimmtudaginn 30 apríl 2020.

Vinsamlegast hjálpið okkur að deila þessum skilaboðum!

Sjá hlekk:

youtube.com/channel/UCWV0ym9x556OPtxuV9vYJrw

Greint er frá þessu inn á fréttablaðið.is