Mokveiði við bæjardyrnar

Vestmannaeyjaskipin Bergur VE og Vestmannaey VE lönduðu bæði fullfermi í Eyjum á mánudaginn. Afli Bergs var mest þorskur og ýsa en afli Vestmannaeyjar var blandaðri; þorskur, ýsa, ufsi og langa. Það tók innan við sólarhring hjá skipunum að fá í sig. Heimasíðan svn.is ræddi stuttlega við skipstjórana og létu þeir vel af sér. Jón Valgeirsson á Bergi sagði að þeir hefðu verið að veiðum í Háfadýpinu. “Við vorum hérna við bæjardyrnar og það hefur verið mokveiði sitt hvoru megin við Eyjarnar. Fiskurinn heldur sig innarlega en það er miklu minna að fá utar. Þetta er hinn fallegasti fiskur sem fæst, stór og góður. Að undanförnu hefur hreinlega verið blússandi veiði og ekki yfir neinu að kvarta,” segir Jón.

Birgir Þór Sverrisson, skipstjóri á Vestmannaey, tekur undir með Jóni og segir að veiðin hafi gengið eins og í sögu. “Við vorum í Háfadýpinu og á Hálshrauni og veiðin gekk afar vel. Staðreyndin er sú að það var þarna aðgæsluveiði. Menn geta ekki verið annað en sáttir við aflabrögðin og fiskurinn sem fæst er hinn ágætasti,” segir Birgir Þór.

Bæði skip héldu til veiða strax að lokinni löndun á mánudag og munu þau leggja áherslu á ýsu- og ufsaveiði að þessu sinni.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search