Mjaldrasystur verða fluttar í sérútbúna hvalalaug í Klettsvík í vor – Tígull.is – Fréttir og viðburðir í Vestmannaeyjum
Mjaldrasystur

Mjaldrasystur verða fluttar í sérútbúna hvalalaug í Klettsvík í vor

Eftir um sjö mánuði í sóttkví eru mjaldrasysturnar í Vestmannaeyjum að verða tilbúnar í saltan sjó. Fyrst þurfa þær að venjast helmingi kaldara vatni. Þær flytja í hvalalaugina með vorinu.
Mjaldrasystrunar litla hvít og litla grá voru fluttar hingað til lands frá Kína með flugvél. Það tók 35 stundir. Þær hafa verið hér í þekkingarsetri Vestmannaeyja í sjö mánuði. Samtökin Sealife Trust fluttu þær til landsins og fara með umönnun þeirra.

„Eftir ferðalagið langa hafa þær þyngst og matarlystin er góð. Þær gefa frá sér hljóð sem þýðir að þær kalla til hvor annarrar og til umönnunarfólksins. Það bendir til að þær séu ánægðar og glaðar og tilbúnar í næstu skref,“ segir Audrey Padgett ein umsjónarmanna mjaldranna.

Þær verða fluttar í sérútbúna hvalalaug í Klettsvík þar sem Keikó heitinn dvaldi. „Við stefnum á apríl/maí og fylgjumst vel með hvað líðan þeirra segir okkur,“ bætir Audrey við.

Fá þjálfun til að venjast hvalalauginni
Laugin sem þær eru í núna er fjögurra metra djúp, svipuð þeirri kínversku. Það er að mörgu að huga fyrir flutninginn. Vatnið þarf að vera nærri helmingi kaldara en þær áttu að venjast í Kína. Það er gert í litlum skrefum.

Systurnar fá þjálfun í að fara í börurnar sem eru notaðar til að flytja þær og í því að vita hvenær umsjónarmenn þeirra eru komnir að vitja þeirra. „Þær fá hljóðmerki sem fer ofan í vatnið. Þær fá að venjast því. Svo þarf að venja þær við að sjá hluti eins og þara og steina sem verða hluti af daglegu lífi þeirra í víkinni,“ segir hún.

Hún segir að aðlögunartíminn sem systurnar hafa fengið hafi verið þeim mikilvægur og að þeirra velferð sé alltaf í fyrsta sæti. „Tækifærið fyrir þær til að lifa eðlilegra lífi í ríflega þrjá áratugi er þess virði.“

Talið er að um 300 mjaldrar séu í haldi um allan heim við mjög misjafnar aðstæður. Í kvínni í Klettsvík á að vera pláss fyrir 12 hvali. „Pælingin að fleiri geti komið hingað og slegist í hóp með Litlu hvít og Litu grá væri algjörlega frábært.“

Mynd frá Sea Life Trust.

Share on facebook
Share on twitter
Share on linkedin
Share on google
Share on print
Lokadagar Safnahelgar – Mikil ánægja með sýningarnar
Hleðslan á Vigtartorgi kemur virkilega vel út – myndband
Glæsileg bronsstytta af Ása í Bæ komin á bryggjuna – myndband
Sýningarnar verða fram yfir næstu helgi
Sjósund í Höfðavík – myndband
Heima með Einsa – framar björtustu vonum

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X