- Bæjarfjölmiðillinn í Vestmanneyjum -

Minningargrein um Sæfinnu Ástu Sigurgeirsdóttur

Minningargrein um Sæfinnu Ástu Sigurgeirsdóttur. Andaðist á Sjúkrahúsinu í Vestmannaeyjum 25.febrúar 2022.

Nú er hún Sæfinna Ásta Vídó Sigurgeirsdóttir  “Sæsa Vídó” hnigin til foldar og þar með eru ákveðin tímamót hjá Vídó fjölskyldunni. Alla sína tíð bjó Sæfinna í Vestmannaeyjum ásamt manni sínum Þorbirni Númasyni og þremur börnum þeirra Sigurgeiri, Sæþóri og henni Mörtu Maríu. Sæfinna Ásta andaðist á Sjúkrahúsinu í Eyjum þann 25. febrúar í faðmi dóttur sinnar henni Mörtu Maríu, sem hélt í hendi hennar alla leið heim í sólskinslandið.

Enn er stórt skarð  höggið í fjölskylduna Eiríkur Heiðar elstur “farinn heim” Þá nú Sæsa. Fjölskyldan á Boðaslóðinni samanstóð af börnum Erlu Vídó og Sigga Vídó, Eiríkur Heiðar, Guðfinna Guðný, Sæfinna Ásta, Emma Hinrika og síðan Þór. Siggi átti tvær dætur fyrir þær Ólöfu Jónu og Ruth Höllu sem nú er látin. Þegar ég kynntist Emmu systur Sæsu  þá var á Boðaslóðinni margt um manninn og var ég stundum í vafa með hver átti þarna heimili eða bara kom í kaffi, það var alltaf tekið á móti öllum að höfðingsskap og elskulegheitum.

Þegar við Emma Vídó vorum að slá okkur upp (eins og sagt var í gamladaga) þá fann ég mig velkominn í þennan fjölbreytta hóp. Sæfinna og Emma voru nánast óaðskiljanlegar og áttu alltaf gott samneyti hvor við aðra óaðskiljanleg systrabönd. Harmur Emmu er mikill og söknuður þegar við nú kveðjum hana Sæsu okkar hinstu kveðju. Það margs að minnast, ferðalög og samverustundir þar sem strákarnir okkar og hún Marta María koma við sögu. Á Þjóðhátíð 2021 sl sumar  heldu fjölskyldan hennar Sæsu og Vídóafleggjararnir í Eyjum svo kallaða Lóðhátíð þegar Þjóðhátíð átti að vera í fullum gangi í Dalnum. Þarna komu barnabörnin fram með atriði og sungið lagið Syngjandi fjölskylda sem var nokkurskonar aðgangur að tjaldi Sæsu og Bjössa á Þjóðhátíum í Herjólfsdal.

Strákarnir þeirra, þeir Siggi, Sæþór og hún Marta María sáu um að merki íþróttafélagsins Þórs væri þar í hávegum. Íþróttafélagið Þór átti hug Sæsu alla tíð og vann ávallt mikið fyrir félagið. Það voru bæði félög og stofnanir sem nutu starfskrafta hennar, þar á meðal Sambýlið hér og þar átti hún marga íbúa sem vini til æviloka.  Sæsa stóð ætíð sem klettur í öllu sem við kom einhverjum uppákomum í fjöskyldunni. Strákarnir okkar Emmu þeir Kjartan Vídó og Hlynur Vídó dáðu að vera í návist þeirra hjóna og litu á Sæsu sem sína aðra móður.

Nú þegar Sæsa hefur kvatt þessa jarðvist þá viljum við þakka samferðina og vináttu sem aldrei féll skuggi á. Það verður erfitt að vera ekki á nánd við þína ilmandi rós. Þú varst þessi mannlega rós sem svo margir dáðu og vildu vera svo nærri.

Sendum ástvinum samúðarkveðjur.

Emma H Vídó og Óli Lár

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is