„Leif Magnús var mér mjög kær. Hann var vinur minn og frændi sem ég þekkti vel frá því hann kom en þá vorum við 7 ára gömul. Leif Magnús fór sínar eigin leiðir í lífinu og var skólinn aldrei neitt í uppáhaldi hjá honum. Það sem mér fannst svo frábært við hann að hann fór eftir sjálfum sér og var alveg sama hvað öðrum fannst. Síðast þegar ég talaði við hann var hann hress og ekki langt í djókið hjá okkur.
Ég mun ávalt minnast þín. Þú fórst alltof fljótt,,
Þín vinkona og frænka Díana Svava
“Leif var alltaf mjög orkumikil manneskja og fékk alltaf bekkjarfélagana sína til hlæja, hans verður mikið saknað,,
Þín vinkona Svala Guðný Hauksdóttir
„Samúðarkveðjur á vini og fjölskyldu,,
Sakna þín vinur, Breki Óðinsson
„Við og Leif vorum mjög góðir vinir í eyjum. Við lékum okkur mikið saman og áttum sömu áhugamál. Ég mun aldrei gleyma Leif og minningin um góðan vin lifir,,
Þinn vinur Adam Einar Bjarkason
„Elsku Leif Magnús, við höfum þekkst í 10 ár, eða frá því í fyrsta bekk. Ég er þakklát fyrir að hafa kynnst þér og fengið að vera með þér í bekk. Sögurnar sem þú sagðir úr sveitinni þegar þú varst í heyskap eða að keyra um á traktor, voru margar og skemmtilegar. Þú hafðir miklu meiri áhuga á að vera í sveitinni heldur en í skólanum á kafi í skólabókunum. Ég veit að þér leið allra best í sveitinni, þar varst þú á heimavelli. Takk fyrir allar góðu stundirnar, þín verður sárt saknað. Fjölskyldu og aðstandendum hans votta ég mína dýpstu samúð,,
Þín bekkjarsystir, Heiða.
„Elsku leif, ég kem því varla í orð hversu sárt ég mun sakna þín. Við vorum í því að leika okkur saman við að þjálfa hundinn þinn eða bara brasast, áttum svo margar góðar stundir saman vildi óska þess að þær gætu verið fleiri,,
Þín vinkona Stefanía.
Ég get ekki lýst því hvernig mér leið þegar ég komst að því að þetta væri Leif Magnús sem væri týndur þá vissi ég að það væri lítil von en alltaf vonaðist ég eftir kraftaverki. En því miður varð það kraftaverk ekki og vil ég trúa því og vona að hann hafi ekki kvalist.
Þegar Leif Magnús flutti fyrst hingað kom hann strax í minn bekk og vorum við nánast alla skólagönguna saman í bekk. við náðum mjög vel saman og vorum mjög góðir og nánir vinir. Við lékum okkur mjög oft saman sem krakkar. Eftir afmælisveislurnar hans var ég alltaf lengur eftir að henni lauk og lékum við okkur saman fram á kvöld í playmo.
Það var aldrei langt í grínið hjá Leif, hann var mjög mikill húmoristi og prakkari. Leif Magnús fann sig aldrei beint í skóla, þótt hann hafi verið duglegur og klár átti hann alltaf heima í sveitinni þar sem hann hugsaði um beljurnar og fékk að keyra alla traktorana. Það var alltaf jafn gaman var að fá “snöpp” frá honum þar sem hann var þar sem honum leið best og fannst skemmtilegast að keyra traktor og sinna sínu í sveitinni.
Elsku Leif Magnús minn minning þín mun alltaf lifa í hjarta mér.
Sárt er vinar að sakna
Sorgin er djúp og hljóð
minningar mætar vakna.
Margar úr gleymsku rakna
svo var þín samfylgd góð.
Þín vinkona og frænka Súsanna Sif.
