Mikill sjósundsáhugi er á Íslandi og eru Vestmannaeyjar ekki þar undanskilin
Á fundi umhverfis- og skipurlagsráði á mánudaginn síðastliðin var rætt um hugmyndr að aðstöðu fyrir sjósundgarpa eyjanna.
Undanfarin misseri hafa margir eyjamenn og gestir stundað sjósund úr Klaufinni. Umræða hefur verið um að bæta þurfi aðstöðu sem mun nýtast heimamönnum og ferðamönnum sem hingað koma. Yrði þetta enn eitt aðdráttaraflið ef af yrði.
Meirihluti E- og H-lista leggur til að kannaður verði áhugi á því að byggja upp sjósundsaðstöðu í Klaufinni af einkaaðilum eða í samstarfi einkaaðila við Vestmannaeyjabæ. Því er lagt til við umhverfis- og framkvæmdasvið að auglýst verði eftir hugmyndum um aðstöðu til sjósunds í Klaufinni. Í framhaldinu er starfsmönnum falið að meta og kostnaðargreina þær hugmyndir sem berast og leggja aftur fyrir ráðið áður en lengra er haldið.
Jói Listó teiknaði upp þessar tillögur að aðstöðu fyrir sjósund iðkendur í Höfðavík.
