19.09.2020
Samkvæmt þeim myndum sem Tígull hefur safnað saman undanfarna daga þá ætti bæjarsjóður að geta innheimt alveg heilan helling af gjöldum vegna lausagangs þessa sauðfés sem gengur um bæinn, það spókar sig milli garða hjá fólki og sem verra er hafa rollurnar einnig farið í kirkjugarðinn.
Kæru sauðfjárbændur sem þetta fé eiga! GIRÐIÐ YKKUR Í BRÓK MEÐ ÞETTA. Lagið girðingar og haldið féinu ykkar innan þess.
Og til þeirra sem eru í göngu og fara yfir þessar girðingar, réttið þær aftur upp svo fé komist ekki yfir.
Ef þú sérð fé á lausagangi hringdu þá í lögregluna og hún kemur því í ferli að láta ná í þær. Það er dýraeftirlitsmaður Vestmannaeyja hann Jói í Laufási sem sér svo um að hafa samband við þá sem eiga féið.
