Úrslitakvöld Músíktilrauna fór fram í gærkvöldi og var það hljómsveitin KUSK sem bar sigur úr bítum. Ein hljómsveit frá Vestmannaeyjum tók þátt í keppninni, hljómsveitin Merkúr. Þeir komust þó ekki áfram í úrslitakvöldið sem fram fór í gær. Alls kepptu 10 sveitir þar, sem valdar voru úr 23 á þremur undankvöldum. Þetta er í þriðja skiptið sem Merkúr tekur þátt í keppninni en í fyrsta skipti sem þér hafa ekki komist í úrslit. Áhorfendur kusu þá áfram í fyrstu keppninni og á síðasta ári fóru þeir áfram í úrslit á dómaravali.
Í gærkvöldi voru einnig veitt einstaklingsverðlaun þeim sem bestir þóttu á sínu hljóðfæri. Þar var það Mikael Magnússon, trommari Merkúr, sem þótti besti trommari keppninnar. Óskum við honum innilega til hamingju með tilnefninguna.
Nóg er þó framundan hjá Merkúr en þeir spila t.a.m. á þungarokkshátíðinni Norðanpaunk sem haldin verður dagana 29. til 31. júlí á Laugarbakka.
