Í kvöld fékk karlalið ÍBV Mosfellinga úr Aftureldingu í heimsókn í Meistarakeppni HSÍ.
ÍBV voru ívið sterkari í fyrri hálfleiknum, náðu mest 6 marka forystu, en staðan að honum loknum var 16-12.
Gestirnir úr Mosfellsbæ komu sterkir inn í síðari hálfleikinn og skoruðu fyrstu 3 mörkin. Þá tóku okkar menn aftur við sér og juku forskotið hægt og bítandi út leikinn.
Lokatölur 30-25 og fyrsti titill tímabilsins kominn í hús.
Í leikslok afhendu Kjartan Vídó Ólafsson og Hrafnhildur Ósk Skúladóttir liði ÍBV verðlaun fyrir sigurinn.
Pavel varði 7 skot í marki ÍBV og Petar 3.
Mörk ÍBV í leiknum:
Arnór 7, Dagur 6, Elmar 3, Gabríel 3, Gauti 3, Dánjal 2, Sigtryggur 2, Kári Kristján 2, Breki 1 og Friðrik Hólm 1.
Við minnum á leik kvennaliðs ÍBV í Meistarakeppni HSÍ á morgun. Þá heimsækja þær Val í Origo-höllina. Leikurinn hefst kl.17:30 en hann verður auglýstur nánar á morgun.
Ljósmynd/ÍBV
