Fótboltaleikir gerast ekki skemmtilegri en þessir. Alls voru skoruð níu mörk í leik ÍBV og Þór/KA í gær á Hásteinsvelli þegar liðin mættust.
Þetta er fyrsti sigur kvennaliðs ÍBV á heimavelli í sumar. Eyjakonurnar voru meira með boltann í leiknum en voru samt sem áður þremur mörkum undir eftir aðeins hálftíma leik. Það var ekki fyrr en á fertugustu mínútu að Kristín Erna var vel staðsett og stangaði boltann inn. Staðan þá orðin 1:3. Fimm mínútum síðar skorar Olga Sevcova hálfleikstölur því: 2:3 fyrir Þór/KA.
Ragna Sara Magnúsdóttir skorar svo fyrsta mark seinni hálfleiks og einnig sitt fyrsta mark í efstu deild fyrir félagið og jafnar leikinn 3:3.
Á 69. mínútu ná Þór/KA að bæta við marki og staðan orðin 3:4 fyrir Þór/KA. Á 74. stoppuðu Þór/KA skyndisókn ÍBV með þeim afleiðingum að Saga Líf fékk að líta rauða spjaldið.
Hanna Kallmaier bætir flottu marki við á 77. mínútu og staðan þá orðin 4:4 og rúmar tíu mínútur eftir af leiknum. Selma Björt Sigursveinsdóttir setti svo boltann í netið fyrir Eyjakonur í uppbótatíma, eftir að hafa verið inn á í um það bil fimm mínútur og var því með sigurmark leiksins.
Lokatölur voru þar komnar 5:4
- Kristín Erna Sigurlásdóttir (40. mín.)
- Olga Sevcova (45. mín.)
- Ragna Sara Magnúsdóttir (51. mín.)
- Hanna Kallmaier (77. mín.)
- Selma Björt Sigursveinsdóttir (90. mín.)
Eftir leikinn eru Eyjakonur komnar með tíu stig og í fimmta sæti í Bestu deildinni. Næsti leikur stelpnana er í Mjólkurbikarnarum á HS orkuvellinum gegn Keflavík, sunnudaginn 29. maí klukkan 15:00.
Foríðumynd: Sigfús Gunnar.
