Lýsa yfir hættu­stigi al­manna­varna frá miðnætti í kvöld

Rík­is­lög­reglu­stjóri í sam­ráði við alla lög­reglu­stjóra á land­inu hef­ur ákveðið að lýsa yfir hættu­stigi al­manna­varna frá miðnætti í kvöld vegna veðurs.

Blaðamaður Tíguls heyrði í Arnóri Arnórsson formanni björgunarfélags Vestmannaeyja sem sagði að samkvæmt nýjustu veðurspá er áætlað að tvö leytið verði orðið ansi vont veður og muni standa til að ganga sjö, eða allt að 30 m/s.

Þar seg­ir að mik­ill viðbúnaður sé vegna óveðurs­ins sem fram und­an er út um allt land. Spáð er suðaust­an roki eða ofsa­veðri, 23-30 m/​s með snjó­komu og skafrenn­ingi en slyddu næst sjáv­ar­síðunni. Hvass­ast í efri byggðum höfuðborg­ar­svæðis­ins og á Kjal­ar­nesi.

„Í dag funduðu Al­manna­varn­ir aft­ur með sér­fræðing­um Veður­stof­unn­ar, viðbragðsaðilum, ábyrgðaraðilum raf­orku, fjar­skipta og sam­gangna. Einnig voru á fund­in­um full­trú­ar úr aðgerðastjórn­un al­manna­varna um land allt.  Eins og í gær var farið yfir veður­spár og til hvaða viðbúnaðar þarf að grípa þegar óveðrið skell­ur á.“

Mikl­ar lík­ur eru á foktjóni og ófærð inn­an hverfa. Fólk er hvatt til þess að ganga vel frá laus­um mun­um og verk­tak­ar beðnir að ganga vel frá fram­kvæmda­svæðum.

Vega­gerðin hef­ur ákveðið að loka veg­um vegna veðurs­ins, hægt er að fylgj­ast með lok­un­um á heimasíðu Vega­gerðar­inn­ar.

Í tilkynningu frá Herjólfi segir að hann mun ekki sigla mánudag, þriðjudag og skoða þurfi miðvikudag.

For­eldr­ar eru beðnir að fylgj­ast með hvernig skóla­haldi verður háttað, nú þegar hafa ein­hverj­ir skól­ar ákveðið að hafa lokað á morg­un.

„Al­manna­varn­ir halda áfram að fylgj­ast vel með og miðla upp­lýs­ing­um til fjöl­miðla um stöðuna í öll­um lands­hlut­um,“ seg­ir í til­kynn­ing­unni.

En gert er ráð fyrir að veðrið verði gengið nokkuð niður um sjöleytið hér í Vestmannaeyjum.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search