29.07.2020
Tilkynning frá lögreglu:
Lögreglan í Vestmannaeyjum hvetur Eyjamenn og gesti þeirra til að skerpa á einstaklingsbundnum sýkingavörnum vegna COVID-19, núna þegar innanlandssmitum fer fjölgandi.
Í því felst að fara eftir samfélagssáttmálanum og huga vel að hreinlæti, handþvotti og sprittun.
Þá er rétt að minna á að halda fjarlægð eins og kostur er og að forðast mannmarga staði.
Þeir sem eru veikir eða eru með flensueinkenni er bent á að halda sig heima en það er lykilatriði til að koma í veg fyrir útbreiðslu veirunnar.
Þeir sem hafa einkenni og þurfa sýnatöku er bent á að hafa samband við heilsugæsluna á dagvinnutíma en hringja í 1700 eftir klukkan 16.00 á daginn og um helgar.
Einstaklingsbundnar sóttvarnir eru besta vörnin til að koma í veg fyrir að veiran nái aftur útbreiðslu í samfélaginu.
Rétt er að benda á að fólk sem er smitað getur verið einkennalaust og því er áríðandi að halda fjarlægð og forðast snertingu eins og hægt er.
Við berum öll ábyrgð á því að verja okkur og með því verjum við okkar viðkvæmasta fólk.
Við erum öll almannavarnir.
