Loðnuleit - Árni Friðriksson heldur í haustleiðangur á mánudaginn | Tígull.is - Fréttir og viðburðir í Vestmannaeyjum
Screenshot 2020-09-11 at 09.40.17

Loðnuleit – Árni Friðriksson heldur í haustleiðangur á mánudaginn

11.09.2020

Greint er frá þessu á vef Stjórnarráðsins

Fyrirkomulag loðnuleitar í haust og vetur var til umræðu á fundi sem Kristján Þór Júlíusson, sjávarútvegs- og landbúnaðarráðherra, boðaði til í gær með fulltrúum Hafrannsóknastofnunar og Samtaka fyrirtækja í sjávarútvegi.

Á fundinum fóru fulltrúar Hafrannsóknastofnunar yfir fyrirhugaða leit. Þar kom fram að hafrannsóknaskipið Árni Friðriksson heldur í haustleiðangur á mánudaginn og stendur hann yfir í 22 daga. Jafnframt mun rannsóknarskip á vegum Grænlendinga taka þátt í leiðangrinum.

Munu skipin leita í september og október fyrir norðan og vestan land en einnig langt norður með austurströnd Grænlands. Er tilgangur leiðangursins að meta stærð loðnustofnsins og veita endurskoðaða ráðgjöf um hámarksafla á komandi vertíð.

Engar loðnuveiðar hafa verið stundaðar síðustu tvær vertíðar og stofninn verið í lægð frá því að hlýna tók á Íslandsmiðum um síðustu aldarmót.

Fyrir liggur ráðgjöf Alþjóðahafrannsóknaráðsins (ICES) frá því í nóvember 2020 um veiðar á allt að 169.520 tonnum á loðnuvertíðinni 2020/21.  Byggir ráðgjöfin á sameiginlegri nýtingarstefnu Íslands, Grænlands og Noregs og samkvæmt henni er upphafsaflamark vertíðarinnar 169.520 tonn.

Í ráðgjöfinni kemur fram að hún verði endurskoðuð að loknum rannsóknum í september 2020.  Samningur er um skiptingu loðnustofnsins milli Íslands, Grænlands og Noregs og fær Ísland 80% af ráðlögðum afla, Grænland 15% og Noregur 5%.

Á fundinum lagði Kristján Þór áherslu á mikilvægi þess að samstaða væri um fyrirkomulag leitarinnar og að allir aðilar þyrftu að róa í sömu átt. Vísaði hann til þess að aldrei hefur verið lagður meiri kraftur í leit að loðnu en á undanförnum tveimur árum Einhugur væri um að fylgja eftir þeirri áherslu á komandi misserum.

 

Forsíðumynd er skjáskot frá vef Stjórnarráðsins.

Share on facebook
Share on twitter
Share on linkedin
Share on google
Share on print
Lista- og menningarverkefnið 1000 Andlit Heimaeyjar í Landandum í kvöld
Mikið um lausagang sauðfés í Vestmannaeyjum
Myndaveisla í makríl og síldinni heilsað
Hin árlega sýning
Njáll og Trausti í live viðtali vegna fjölgun bæjarfulltrúa – rök með og á móti – myndbönd
Heimasíða 1000 Andlit komin í loftið – Landinn fjallar um verkefnið í næsta þætti á Rúv

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X