Litla Hvít og Litla Grá komnar í nýju heimkynni sín í Klettsvík

07.08.2020

Í morgun voru Litla Hvít og Litla Grá fluttar í nýju heimkynni sín í Klettsvík.

Þessi undirbúningur hefur staðið yfir allt frá því mjaldrarnir komu hingað til lands í fyrrasumar og því loksins orðin að veruleika.

Fyrst voru mjaldrarnir fluttir með vörubíl frá hvalalauginni niður á Básaskersbryggju. Þar voru þær systur hífðar um borð í Lóðsinn sem að sigldi með þær út í Klettsvík.

Samkvæmt heimildarmanni Tíguls gekk flutningurinn vel og heilsast systrunum ágætlega.