Leo Seafood golfmótið fór fram um helgina en það voru 100 keppendur tóku þátt við frábærar aðstæður.
Völlurinn skartaði sínu fegursta og veður var með besta móti.
Aðalverðlaun voru veitt fyrir bestu 3 punktaskor og besta skor án forgjafar en einnig var fjöldinn allur af aukaverðlaunum.
Í þriðja sæti með 40 punkta var Stefán Sævar Guðjónsson. Í öðru sæti með 40 punkta var Óskar Haraldsson. Í fyrsta sæti með 43 punkta var svo Hrönn Harðardóttir.
Besta skor dagsins átti Þorsteinn Hallgrímsson en hann lék á 72 höggum. Óskum við öllum sigurvegurum innilega til hamingju með árangurinn.
Verðlaunaafhendingin fór fram utandyra en veðrið var frábært allan daginn.
Næsta mót á dagskrá er svo Sjómannamótið sem fram fer á föstudaginn. Skráning í það fer fram á golfbox eða í síma 4812363.
