Leita ákaft að uppruna mjög eitraðrar bakteríu | Tígull.is - Fréttir og viðburðir í Vestmannaeyjum
Bakteríur

Leita ákaft að uppruna mjög eitraðrar bakteríu

Fullorðinn einstaklingur á Íslandi smitaðist af bótulisma nýverið. Fyrstu einkenni byrjuðu þann 12. janúar og eitrun af völdum bakteríunnar staðfest tæpri viku síðan.

Matvælastofnun greinir frá þessu og segir að uppruna eitrunarinnar sé ákaft leitað í samvinnu við heilbrigðiseftirlit sveitarfélaga, sóttvarnarlækni og sýkla- og veirufræðideild Landspítala og rannsóknarstofu Matís.

Bakterían myndar öflugt eitur

Í tilkynningu frá Matvælastofnun segir að bótulismi sé eitrun af völdum bakteríunnar Clostridium botulinum. Það er grómyndandi og loftfælin baktería sem getur myndað mjög öflugt eitur. Ef hún nær að vaxa í matvælum getur hún valdið alvarlegum veikindum með lömunum sem geta leitt fólk til dauða.

Frá því að matvæla er neytt og þar til veikindi gera vart við sig getur liðið skammur tími. Það geta verið nokkrar klukkustundir og allt upp í þrjá daga. Helstu einkenni eru hratt vaxandi lamanir. Matvælastofnun segir að ekkert bendi til þess að uppruna þess eina smits sem greinst hefur megi finna í matvælum sem eru í dreifingu.

Eitrunarinnar hefur ekki orðið vart hjá öðrum einstaklingum.

Bótulismi hefur greinst þrisvar sinnum hér á landi og er mjög sjaldgæf eitrun. Árið 1949 veiktust fjórir eftir neyslu súrsaðs dilkakjöts, svo árið 1981 veiktist fjögurra manna fjölskylda og að síðustu árið 1983 þegar móðir og barn veiktust eftir að hafa borðað súrt slátur sem bakterían fannst í.

Algengustu orsakir og ráðleggingar

Í tilkynningu Matvælastofnunar segir að algengustu orsakir bótulisma séu heimalöguð matvæli eins og kjöt, fiskur, grænmeti og ávextir, sem eru oftast niðursoðin, grafin, súrsuð eða gerjuð og gjarnan í lofttæmdum umbúðum. Bent er á að mikilvægt sé að vanda vel til verka við slíka vinnslu, bæði í heimahúsum og í matvælafyrirtækjum.

Þá er vísað í almennar ráðleggingar við meðhöndlun matvæla og vísað á nánari upplýsingar á vef Matvælastofnunar og embættis Landlæknis.

  • Forðist bólgnar/gallaðar niðursuðudósir/umbúðir
  • Skolið grænmeti og ávexti fyrir notkun
  • Haldið hráum og elduðum matvælum aðskildum
  • Hitið matvæli nægjanlega mikið og tryggið hraða kælingu ef þeirra er ekki neytt strax
  • Haldið kælivörum við 0–4 °C
  • Fylgið leiðbeiningum og geymsluþolsmerkingum á matvælum

Greint er frá þessu inn á ruv.is

Share on facebook
Share on twitter
Share on linkedin
Share on google
Share on print
Sunnudagskólinn kl 11:00
Kiwanesmenn gáfu krökkunum á Sóla hjálma
Það er alltaf stuð á Lundanum
7019 pysjur skráðar en á sama tíma fyrir fimm árum var fyrsta pysan að finnast
Mikilvægast er að mæta
Fjör á lokahófi í dag

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X