Leikskólagjöld felld niður þá daga sem lokað var vegna Covid-19

Á fundi sínum í gær þriðjudag tók bæjarráð tók fyrir minnisblað framkvæmdastjóra fjölskyldu- og fræðslusviðs, um heimild til að fella niður leikskólagjöld vegna lokunar deilda vegna Covid 19, þegar sveitarfélagið neyðist til að loka deildum/kjörnum vegna manneklu sem má rekja til Covid 19.

„Vestmannaeyjabæ hefur borist erindi frá foreldrum sem óska eftir niðurfellingu á leikskólagjöldum þegar sveitarfélagið neyðist til að loka deildum/kjörnum vegna manneklu sem má rekja til Covid-19. Sem betur fer hefur ekki þurft mikið að loka deildum/kjörnum vegna Covid-19 frá áramótum en þó hefur komið fyrir að það hafi þurft að loka dag og dag þar sem ekki ekki náðist að manna deildir/kjarna,“ segir í umræddu minnisblaði. „Þær upplýsingar sem liggja fyrir er lokun Stafsnesvíkur 1. febrúar sl. og Höfðavíkur 14. – 15. febrúar sl. vegna Covid veikinda starfsmanna. Núverandi reglur heimila að fella niður fæðisgjald ef barn er frá t.d. vegna veikinda. Engar heimildir eru til að fella niður leikskólagjaldið. Ef bæjarráð samþykkir erindi foreldra um niðurfellingu á leikskólagjöldum vegna lokana deilda/kjarna vegna manneklu er lagt til að gjöldin lækki í sama hlutfalli og fjöldi daga í mánuði sem sveitarfélagið þarf að loka vegna þessa. Mjög gróf áætlun um tekjutap vegna þessa gæti verið um 250 – 300 þúsund en ræðst af fjölda barna og daga.“

Bæjarráð samþykkti að verða við umræddri beiðni og fól framkvæmdastjóra fjölskyldu- og fræðslusviðs og fjármálastjóra framkvæmdina.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search