Handbolti karla:
Nóg var um að vera hjá Eyjaliðunum um helgina. En karlalið ÍBV í handknattleik tók á móti Val í gær. ÍBV strákarnir unnu með fjögurra marka sigri á Val, 28-24. Staðan í hálfleik var 18-10 ÍBV í vil. Leikurinn var hluti af tvíhöfða á milli ÍBV og Vals í bæði Olís deild karla og kvenna. kvennalið ÍBV vann einnig sinn leik og því tvöfaldur sigur Eyjamanna. Næst fara strákarnir norður og mæta nýliðum Þórs.
Handbolti kvenna:
Kvennalið ÍBV gerði sér lítið fyrir og vann eins marks sigur, 23-22, á Val í þriðju umferð Olís-deildar kvenna í gær. Valur var einu marki yfir í hálfleik, 10-11. Sunna Jónsdóttir skoraði tíu mörk og Birna Berg Haraldsdóttir bætti við sex.
Fótbolti karla:
Karlalið ÍBV sem vann einnig sinn leik í gær – gerðu góða ferð í Laugardalinn og unnu 0-3 sigur á Þrótturum.
Mörk ÍBV:
0-1 Jón Jökull Hjaltason (’57)
0-2 Jack Lambert (’78)
0-3 Róbert Aron Eysteinsson (’89)
Fótbolti kvenna:
Kvennalið ÍBV héldu í Kópavoginn þar sem þær spiluðu gegn sterku liði Breiðabliks í dag. Endaði leikurinn 8-0 fyrir Breiðablik. ÍBV vantaði fimm leikmenn sem væru venjulega í eða í kringum byrjunarliðið. ÍBV er eftir sem stendur ennþá með 17 stig í 6. sæti og eiga næst leik gegn FH um næstu helgi.
KFS (4.deild)
KFS vann Hamar í fyrri leik liðanna í undanúrslitum 4. deildar karla. Kormákur/Hvöt og ÍH gerðu 1-1 jafntefli á Blönduósi í gær. Seinni leikir þessara liða fara báðir fram á miðvikudag. Það var einungis eitt mark skorað á Hásteinsvelli í dag og það kom á lokamínútu venjulegs leiktíma.
Það skoraði varamaðurinn Daníel Már Sigmarsson sem fæddur er árið 2000. KFS fer því með eins marks forskot inn í seinni leikinn sem fer fram á Grýluvelli í Hveragerði.
