Flottur hópur leikara úr leikfélagi Vestmannaeyja stóð sig með prýði í gærkvöldi á frumsýningu Leikfélags Vestmannaeyja á leikritinu Tíu litlir Eyjapeyjar eftir glæpasagnahöfundinn Agatha Christie, í leikstjórn Maríu Sigurðardóttur. Þarna er á ferðinni misreyndur leikarahópur þar sem margir hverjir að stíga sín fyrstu spor á leiksviðinu og gerðu það með stakri prýði.
Í lok sýningar voru Alexander Páll Salberg og Viktor Rittmüller gerðir að heiðursfélögum í L.V. fyrir þeirra framlag til Leikfélagsins á undanförnum árum. Eins voru hjónin Magnús Bragason og Adda Sigurðardóttir heiðruð fyrir sinn stuðning við Leikfélagið í gegnum tíðina. Unnur Guðgeirsdóttir, formaður LV, sagði í ræðu sinni þetta vera síðasta leikritið í hennar formannstíð og hlaut hún mikið lófatak fyrir sitt framlag. Þá gerði stjórn Leikfélagsins hana og eiginmann hennar Ragnar Gíslasyn, sem smíðað hefur flest allar sviðsmyndir leikrita síðustu ára, einnig að heiðursfélögum. Íris Róbersdóttir, bæjarstóri fékk þá orðið og þakkaði, fyrir hönd Vestmannaeyjabæjar, Unni einnig fyrir sitt framlag til menningarsviðsins í Eyjum og afhenti henni blóm og þakkaði gott starf.
Næstu sýningar á Tíu litlum Eyjapeyjum eru í kvöld, föstudag og á morgun, laugardag kl. 20.30. Miðapantanir eru í síma 852-1940.
