Laxey fékk verðlaun sem „Bjartasta vonin“ á Hátíðarkvöldi Þjóðmála, sem haldið var í Hvalasafninu 20. nóvember síðastliðinn Hörður Orri Grettisson, fjármálastjóri Laxeyjar, veitti verðlaununum viðtöku. Greint er frá þessu á facebooksíðu Þjóðmál. Hér er tilkyningin frá þeim í heild sinni.
Nú standa yfir þar í bæ umfangsmestu fjárfestingar sögunnar og stefnir í að innan fárra ára muni útflutningsverðmæti fyrirtækisins nema um 50 milljörðum króna á ári hverju.
Það hefur verið áhugavert að fylgjast með vexti Laxeyjar á liðnum árum og það verður ekki síður áhugavert að fylgjast með félaginu til lengri tíma. Eftir að hafa selt útgerðarfélögin Ós og Leo Seafood fjárfestu Sigurjón Óskarsson og fjölskylda hans í frekari atvinnuuppbyggingu og verðmætasköpun í Vestmannaeyjum. Þannig var lagður grunnur að fiskeldisfyrirtækinu Laxey. Félagið hefur notið tiltrúar innlendra og erlendra fjárfesta og nýlega lokið fyrstu slátrun á fullvaxta laxi. Laxey mun auka enn við þá miklu verðmætasköpun sem á sér stað í Vestmannaeyjum, landinu öllu til hagsbóta.
Með uppbyggingunni hafa forsvarsmenn Laxeyjar sömuleiðis sigrast á náttúrulegum hindrunum sem fyrirtækið býr við í Vestmannaeyjum. Það á bæði við um aðgengi að vatni, rafmagni og landrými. Það er síst af öllu sjálfsagt að þessi nýja grunnstoð atvinnulífsins í Vestamannaeyjum skuli nú verða að veruleika.
Hörður Orri og Óskar stoltir af sýnu fyrirtæki. En þeir mættu fyrir hönd Laxey.
Á foríðumynd með Herði Orra er fulltrúi Þjóðmála að afhenda Herði viðurkenninguna.
