kynnumst hópastarfinu á Kirkjugerði

Á  Kirkjugerði vinnum við með Floorbooks í hópastarfi

Þessi aðferðarfræði byggir nær eingöngu á vali og hugmyndavinnu barnanna, það eru þau sem ráða ferðinni og námið er algerlega þeirra með aðstoð frá leiðbeinandi kennara.

Elstu drengirnir á Klettsvík eru í hóp sem heitir Heimaey og völdu þeir að vinna með heimabæ okkar Vestmannaeyjar.

Við byrjuðum á að fara í gegnum hugmyndakassann um bæinn okkar og þar er að finna allskonar efni og myndir sem tengjast bænum okkar.

Þannig afla þeir sér upplýsinga um bæinn, hvernig hann lítur út, hvar hann er staðsettur, sögu Vestmannaeyja og fleira sem vert er að vita.

 

 

Næsti hópatími fór í það að búa til hugarkort um Vestmannaeyjar en þar söfnum við saman hvað þeir vita um Vestmannaeyjar og hvað þeim langar að vita meira um og dýpka sig í.

Einnig skoðuðum við líka bækur og kort af eyjunni. 

Þeir ákváðu að þeim langaði til að búa til Vestmannaeyjar og við fundum út að best væri að gera það úr pappamassa.

En fyrst byrjuðu þeir á því að búa til hafið umhverfis eyjuna því þeir voru allir með það á hreinu að Vestmannaeyjar eru svo sannarlega í hafinu.

Næst bjuggu þeir til úr pappamassa, nokkur af fjöllunum okkar á eyjunni og má þar nefna Heimaklett, Dalfjall, Stórhöfða, Eldfell og Helgafell. Drengirnir sáu á myndum og kortum af Vestmannaeyjum að þær eru ekki  bara Heimaey heldur eru samtals 18 eyjar og sker í kringum eyjuna okkar.Þeir völdu að gera líka  eyjarnar sem eru næstar Heimaey en þær eru Bjarnarey, Elliðaey og svo eru það smáeyjarnar en þær heita Hani, Hæna, Grasleysa og Hrauney.

 

Því næst voru máluð hús til að setja á göturnar okkar og skip til að setja á sjóinn.

Þetta var svo allt límt samvisku-samlega á líkanið okkar af Heimaey.

Næst vildu drengirnir skoða sjóinn aðeins betur og við límdum pappa upp á veg og teiknuðum á pappann á meðan við hlustuðum á sjó- og ölduhljóð.

Það er oft mikið rok hjá okkur á Heimaey og því fylgir að sjórinn er oft úfinn og mikill. Þannig okkur fannst tilvalið að skoða nokkur myndbönd sem sýndu storm, miklar öldur og flóð. Eftir áhorfið hermdum við eftir storminum og mikla sjónum með teppi og fullt af tættum pappír.

Nú fannst okkur komin tími til að skoða fiskana í sjónum því Heimaey er verstöð og atvinnulíf eyjarinnar byggir mikið á sjávarútvegi og störfum tengdum honum. Að því loknu teiknuðum við okkar eigin fisk og í næsta tíma bættust í hópinn nokkrir skrautlegir fiskar.  

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search