Kynningafundur vegna landeldis í Eldheimum kl. 17.15

Opinn kynningarfundur fer fram í Eldheimum þann í dag, 30. maí 2022, klukkan 17:15. Þar mun Icelandic Land Farmed salmon (ILFS) kynnir fyrirhugaða framkvæmd og atvinnustarfsemi og Vestmannaeyjabær kynnir breytingu á Aðalskipulagi, deiliskipulag og umhverfisskýrslu.

Í Viðlagafjöru hefur um nokkur skeið verið efnistökusvæði. Með tillögu að fyrirhugaðri aðalskipulagsbreytingu verður svæðið skilgreint sem iðnaðarsvæði og fyrirhugað að þar komi fiskeldi. Svæðið er einnig stækkað til suðvesturs þar sem nú er pittur fyrir jarðefni.

Deiliskipulags tillagan gerir ráð fyrir tveim lóðum. Fyrirtækið Icelandic Land Farmed Salmon (ILFS) hefur fengið vilyrði frá bæjarstjórn um nýtingu á lóðunum til fiskeldis. Á annarri lóðinni hefur fyrirtækið þegar hafið hönnunarvinnu og er fyrirkomulag og kvaðir þeirrar lóðar því skilgreindar í deiliskipulagi. Í deiliskipulagi er einnig gert ráð fyrir svæði til norðurs þar sem áfram verður hægt að vinna sand úr fjörunni.

Umhverfisskýrsla vegna skipulagsáætlana hefur verið unnin til að meta áhrif þessara breytinga á helstu umhverfisþætti.

Fiskeldi í Vestmannaeyjum er talið geta skotið stoð undir þjónustu og vinnslu útgerðar í Vestmannaeyjum. Breyting styður við meginmarkmið Aðalskipulags Vestmannaeyja um öflugt atvinnusvæði þar sem sjávarútvegurinn er meginstoðin og að aðstaða þessara greina verði eins og best getur orðið. Breytingin er einnig í samræmi við markmið Aðalskipulagsins um svæði fyrir fiskeldi á landi.

Gögnin eru nú kynnt sem tillaga á vinnslustigi til samráðs um frekari úrvinnslu. Kynningarfundur verður haldinn í Eldheimum þann 30. maí 2022 klukkan 17:15. Þar mun ILFS kynna fyrirhugaða framkvæmd og atvinnustarfsemi og Vestmannaeyjabær kynna breytingu á Aðalskipulagi, deiliskipulag og umhverfisskýrslu.

Skipulagsgögn liggja frammi hjá Umhverfis- og framkvæmdasviði að Skildingavegi 5 og má einnig finna í skipulagsgátt á vefsíðu sveitafélagsins.

Bæjarbúar og aðrir sem láta sig málið varða eru hvattir til að kynna sér kynningargögn skipulagsins á samráðsstigi. Ábendingum og athugasemdum við tillöguna þarf að skila skriflega eigi síðar en 1. júní 2022 í afgreiðslu Umhverfis- og framkvæmdasviðs Skildingavegi 5, eða á netfangið umhverfissvid@vestmannaeyjar.is

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search