Kviknaði í léttabát Herjólfs – myndband

Einn maður úr þriggja manna áhöfn léttabáts Herjólfs féll útbyrðis þegar eldur varð laus í vélarrúmi bátsins. Þetta kemur fram í tilkynningu frá Landsbjörgu. Herjólfur var þá á leið úr Landeyjahöfn til Vestmannaeyja og var ferðin notuð til að æfa notkun léttabátsins.

Björgunarskipið Þór var kallað út á hæsta forgangi og hélt úr höfn í Vestmannaeyjum kl 18:35, til móts við Herjólf og léttabátinn.

Þegar Þór kom á staðinn, nokkrum mínútum síðar, höfðu þeir tveir sem um borð í léttabátnum voru, náð félaga sínum sem féll útbyrðis aftur um borð og áhöfninni hafði tekist að slökkva eldinn með slökkvikerfi í vélarrúmi hans. Engin hætta var lengur á ferðum.

Áhöfn léttabátsins var tekin um borð í Bs Þór og áhöfn Þórs kom toglínu í léttabátinn. Þór hélt svo með léttabátinn í togi til hafnar í Vestmannaeyjum.

Þeir þrír sem voru um borð í léttabátnum voru fluttir með sjúkrabíl til skoðunar á sjúkrahúsi Vestmannaeyja, að eigin ósk.

Gott veður og sjólag var á staðnum og gengu aðgerðir vel. Þór var lagstur að bryggju og verkefni lokið um 45 mínútum eftir að lagt var úr höfn, segir í tilkynningu frá Slysavarnafélaginu Landsbjörgu. Ljósmyndirnar voru teknar um borð í Bs Þór í kvöld. Myndband var tekið af heimildarmanni Tíguls.

 

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search