Kvenna- og karlalið ÍBV komin í 8 liða úrslit í CocaCola bikarnum

Í gær sigruðu bæði kvenna- og karlalið ÍBV sína leiki í 16 liða úrslitum CocaCola bikars HSÍ.
Stelpurnar fór í heimsókn til Fjölnis/Fylkis sem situr í botnsæti Grill66 deildarinnar. Það var snemma ljóst að getumunurinn á liðunum var gífurlegur. ÍBV náði fljótt forystu og komust m.a. í 4-16. Það fór svo að stelpurnar okkar sigldu heim feykilega stórum sigri, 18-44, og hafa þær tryggt sér sæti í 8 liða úrslitum keppninnar. Stelpurnar mæta Stjörnunni eða FH í 8 liða úrslitum og verður sá leikur í Vestmannaeyjum, fimmtudaginn 24.febrúar.
Marta varði frábærlega í marki ÍBV. Vörn, markvarsla og hraðaupphlaup voru aðalsmerki okkar í leiknum en uppstilltur sóknarleikur gekk þó sömuleiðis vel.
Mörk ÍBV í leiknum:
Harpa Valey 11, Lina 6, Marija 5, Elísa 5, Karolina 4, Sunna 3, Hanna 3, Ingibjørg 2, Ólöf María 2, Aníta 1, Sara Sif 1 og Þóra Björg 1.
__________
Strákarnir heimsóttu Kórdrengi í Digranes í Kópavogi en ekki var hægt að horfa á leikinn, né fylgjast með textalýsingu. Okkur til happs fengum við upplýsingar frá Halldóri Sævari Grímssyni, liðsstjóra ÍBV, svo við getum gefið upp helstu upplýsingar.
Leikurinn fór heldur rólega af stað og jafnræði með liðunum fyrstu mínúturnar, en svo settu okkar menn í gírinn. Staðan að loknum fyrri hálfleik var 12-19, ÍBV í vil. Í síðari hálfleik höfðu ÍBV áfram yfirhöndina og bættu í forskotið. Lokatölur voru 21-30 og liðið komið áfram í næstu umferð, en strákarnir fara til sunnudag og mæta Selfyssingum í 8 liða úrslitum. Sigurvegarinn í þeim leik fær sæti í Final 4 helginni sem verður um miðjan mars.
Björn Viðar varði 5 skot og Petar 5. Róbert Sig lét mikið til sín taka í varnarleik liðsins með 8 löglegar stöðvanir og 5 varða bolta. Arnór var sömuleiðis öflugur. Línumaðurinn efnilegi Hinrik Hugi Heiðarsson lék sinn fyrsta meistaraflokksleik og stóð sig með mikilli prýði.
Mörk ÍBV í leiknum:
Theodór 8, Ásgeir 5, Sveinn José 4, Rúnar 3, Gabríel 3, Siddi 2, Elmar 2, Hinrik Hugi 1, Róbert 1 og Friðrik Hólm 1.
Frétt og myndir frá síðu ÍBV.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search