Kúrbítskaka eða möffins:
250 g kúrbítur með hýðinu
60 g Kókoshveiti Funkjsonell
150 g sæta t.d. Sweet sweetness frá Good good
45 g kakó, gott að nota Herseys eða Nóa Siríus
1/2 tsk kanell
1 tsk matarsódi
1 tsk vínsteinslyftiduft
1/3 tsk sjávarsalt
55 g brædd kókosolía
4 egg, létt pískuð
1 tsk vanilludropar
Rífið kúrbítinn niður með rifjárni eða notið matvinnsluvél.
Blandið öllum þurrefnum saman og takið til hliðar. Blandið eggjum, kókosolíu og vanillu saman við kúrbítinn og hellið þurrefnunum að lokum saman við. Gott að nota hrærivél eða matvinnsluvél. Ég notað auðvitað Thermomixinn minn.
Setjið deigið í eitt hringlaga form eða 12 muffinsform ef þið viljið það frekar.
Bakið á 170 gráðum í 20-25 mín, tékkið öðru hverju með prjón.
Krem:
230 g ósaltað smjör
130 g sæta, Good good eða Sukrin Gold, malið fínt í matvinnsluvél
30 g bökunarkakó
2 tsk vanilludropar
3-5 dropar Now stevía með English Toffee bragði
40 ml ósæt möndlumjólk eða ískalt vatn
Þeytið smjörið vel þar til það er ljóst og létt. Bætið þurrefnum, vanillu og stevíu saman við. Þynnið með möndlumjólkinni/vatni þar til kremið er loftkennt og fallegt.
Sprautið eða smyrjið kreminu á kælda kökuna eða múffurnar og berið fram með þeyttum rjóma og berjum.
