Krónan veitti 25 verkefnum og aðilum styrki og fengu níu verkefni styrk á Suðurlandi
Krónan hefur í ár úthlutað rúmum sjö milljónum króna úr styrktarsjóði sínum sem er ætlað að styrkja verkefni sem hvetja til hollustu og hreyfingar barna og/eða verkefna sem hafa jákvæð áhrif á uppbyggingu í nærsamfélagi Krónunnar.
Verkefnin sem hlutu styrki á Suðurlandi eru eftirfarandi:
- · Rafíþróttadeild Dímonar á Hvolsvelli, fyrir uppbyggingu á rafíþróttadeild.
- · Afrekshugur á Hvolsvelli, fyrir afsteypu af styttu Nínu Sæmundsdóttur í miðbæ Hvolsvallar.
- · Reiðskólinn á Bjarnastöðum í Ölfusi, fyrir búnaði og uppbyggingu.
- · Dansakademían á Selfossi, fyrir fyrstu nemendasýningu nýs dansskóla.
- · Sundfélag ÍBV í Vestmannaeyjum, fyrir sunddeild barna.
- · Listasmiðja náttúrunnar í Vestmannaeyjum, fyrir myndlistarnámskeið barna þar sem áhersla er lögð á sköpun sem er samtvinnuð við náttúru og útiveru.
- · Foreldrafélag leikskólans Bergheima í Þorlákshöfn, fyrir kaup á Bambahúsi til að rækta grænmeti.
- · Ægir í Þorlákshöfn fyrir knattspyrnudeild barna.
- · Björgunarsveitin Víkverji í Vík, fyrir uppbyggingu.
