11.01.2020
Kvennalið KR hefur fengið öflugan liðsstyrk fyrir komandi leiktíð en Kristín Erna Sigurlásdóttir er komin frá ÍBV.
Kristín Erna, sem er fædd árið 1991, er uppalin í ÍBV en hún hefur spilað allan sinn feril með félaginu fyrir utan eitt tímabil sem hún lék með Fylki árið 2016.
Hún hefur skorað 102 mörk í 189 leikjum í deild- og bikar en hún hefur nú samið við KR.
KR leikur í Pepsi Max-deild kvenna en liðið hafnaði í 7. sæti deildarinnar á síðasta tímabili.
Lára Kristín Pedersen samdi við KR í október og þá framlengdi þjálfarateymið við KR. Jóhannes Karl Sigursteinsson er þjálfari liðsins en honum til aðstoðar er Ragna Lóa Stefánsdóttir og markmannsþjálfarinn Gísli Þór Einarsson.
Greint er frá þessu á fotbolti.net
