10.11.2020
Kortavefur Vestmannaeyjabæjar er á forsíðu á heimasíðu sveitarfélagsins á slóðinni http://map.is/vestm/ en leiða má líkum að því að kortavefurinn sé vinsælasta undirsíða Vestmannaeyjabæjar.
Á kortinu má nálgast ýmsar hagnýtar upplýsingar með því að merka í reitina hægra megin á myndinni svo sem lagnir fráveitu, rafmagn, vatn o.s.frv.
Einnig eru þarna aðrar skemmtilegar upplýsingar eins og hvar pysjur hafa fundist árin 2014-2019 og ekki síst götu og húsakort frá því fyrir gos.
Einnig má þarna finna bæði gildandi aðalskipulag og deiliskipulag þeirra svæða sem lokið hefur verið við að deiliskipuleggja.
Annar skemmtilegur möguleiki er að velja gamlar loftmyndir af Vestmannaeyjum og þannig má sjá breytinguna sem átt hefur sér stað í eyjum og líka forvitnilegt að fylgjast með þróuninni í gerð loftmynda fyrir sveitarfélagið. Með því að velja merkið sem er í rauða hringnum má fá loftmyndir alveg aftur til 1997. Hægt er að renna sleðanum til hliðar og sjá breytinguna eftir því sem sleðinn er færður til.
Á heimasíðunni www.map.is má svo sjá loftmyndir af öllu Íslandi en útfærslur og myndgæði eru mismunandi milli svæða og sveitarfélaga.
Forsíðumynd Tói Vídó
