Þriðjudagur 28. júní 2022

- Bæjarfjölmiðillinn í Vestmanneyjum -

Kiwaniklúbburinn Helgafell gefur fíkniefnahund

Kiwanisklúbburinn Helgafell samþykkti í  október  s.l að veita Lögregluembættin í Vestmannaeyjum styrk að fjárhæð  1.315.394-  til kaupa á fíkniefna-leitarhundi sem hlotið hefur nafnið Móa, þetta er fjórði hundurinn sem klúbburinn gefur til embættisins og erum við stoltir af því að geta gert samfélaginu gagn og gefið til baka þar sem styrkurinn er veittur af söfnunarfé og þá aðallega með sölu jólasælgætis til bæjarbúa. Í fjárhæðinni er allur kostnaður við hundinn, eins og að fá hann til landsins og þjálfunarkostnaður, bólusetningar og slíkt en ekki opinber gjöld þar sem okkur Helgafellsfélögum finnst ekki eðlilegt að greiða opinber gjöld af gjöf sem við erum að veita annari opinberri stofnun.

Móa (hét Sunny þegar hún kom til landsins) en hún var flutt inn frá Englandi og er Enskur Springer Spaniel.  Móa fæddist 25.02.2021 og hún kom til Eyja úr einangrun þann 13.10.2021.  Formleg þjálfun á Móu er tiltölulega ný hafin og er núna verið að kenna henni að leita að fíkniefnum undir dyggri leiðsögn Heiðars Hinrikssonar lögreglumanns.  Fyrst eftir að hún kom fór tíminn í að venja hana að nýju heimili og fólki, umhverfisþjálfa hana og kenna henni íslensku.  Móa er kraftmikill hvolpur og hefur Heiðar  trú á að hún verði öflugur leitarhundur.

Að þessu tilefni mættu félagar úr Helgafelli á Lögreglustöðina í Vestmannaeyjum með gjafabréf til formlegrar afhendingar, var vel tekið á móti þeim félögum með kaffi, konfekti og öðru góðgæti.
Það er von þeirra Helgafellsfélaga að Móa verði mikilvæg í okkar samfélagi gegn þeim vágesti sem fíkniefni eru og verja þar með börnin okkar og íbúa Vestmannaeyja, enda mikil forvörn að geta haft leitarhund á okkar ágætu eyju.

Megi Móu og lögreglunni farnast vel í sínum störfum í náinni framtíð.

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is