Kennsla í FÍV að hefjast - gott skipulag komið á vegna Covid-19 | Tígull.is - Fréttir og viðburðir í Vestmannaeyjum
FÍV 2020

Kennsla í FÍV að hefjast – gott skipulag komið á vegna Covid-19

21.08.2020

Nýnemar mættu í morgun í Framhaldsskólan í Vestmannaeyjum og farið var yfir hvernig fyrirkomulagið verður næstu vikur.

Skólinn hefst mánudaginn 24. ágúst kl: 8:00 samkvæmt stundaskrá.

Eins og þið öll vitið er skólastarf með öðrum hætti nú vegna Covid-19.

Öll verðum við að gæta þess að halda 1 metra fjarlægð við næsta mann og þvo og sótthreinsa hendur reglulega.

Búið er að raða upp borðum í kennslustofum þannig að 1 metra reglan er virt. Það er búið að skipta skólanum í hólf og nemendur mega ekki fara á milli hólfa.

Við notum tvo innganga, þegar kennslustundir eru í stofum 6,7,8 og 9 á að nota innganginn hinum megin við húsið annars er notaður aðalinngangurinn.

Í stundatöflunni er tiltekið stofunúmer og ef það er F1-F10 þá er fjarnám og þá á ekki að mæta upp í skóla.

Allir nemendur þurfa að mæta með hlaðnar fartölvur í skólann við notum rafræn kennslukerfi og hugbúnaðinn eruð þið með frá skólanum. Þeir sem eru nýir hafa fengið lykilorð í sms í símann sem þeir hafa skráð í Innu aðrir nota sömu lykilorð og á síðustu önn.

Þið farið ekki úr útiskóm og yfirhöfnum eins og verið hefur. Allir eru nú inni á útiskónum og með yfirhafnir hjá sér í skólastofunni (getið sett þær á stólbakið).

Þegar þið komið í skólann er mjög mikilvægt að koma ekki inn í hópum, þið sprittið ykkur og farið beint að stofunni sem þið eigið að vera í hverju sinni. Inni í stofunni er sótthreinsiefni og bréf sem þið getið notað til að sótthreinsa borðin ykkar. Einnig er þar spritt og nemendur fá allir spritt í litlum brúsum sem þeir geta notað.

Þeir sem koma inn fyrst fara í öftustu sætin og þeir sem koma seinna í næst öftustu röð og þannig koll af kolli.

Í verklegum greinum þar sem nándin getur verið innan við 1 metri nota bæði nemendur og kennarar maska. Sameiginleg áhöld í verklegum greinum þarf að sótthreinsa fyrir og eftir notkun og n ota hanska.

Samkvæmt fyrirmælum frá stjórnvöldum, mega nemendur ekki vera á göngunum . sem eru einungis notaðir til að fara á milli stofa, meðan að þetta ástand varir. Þegar nemendur eru í eyðum í stundaskrá eða fjarnámi þá verða þeir að yfirgefa skólahúsnæðið. Þeir sem hafa ekki aðstöðu til að læra heima geta fengið aðstöðu í skólanum en þurfa að senda tölvupóst til skólameistara helgak@fiv.is.

Stundatöflur eru opnar í Innu og frestur til töflubreytinga rennur út á morgun laugardag.

Þeir nemendur sem eru í sóttkví, einangrun eða bíða eftir niðurstöðu sýnatöku, hafa verið í einangrun vegna COVID-19 smits og ekki eru liðnir 14 dagar frá útskrift og þeir sem eru með einkenni (kvef, hósta, hita, höfuðverk, bein – eða vöðvaverki og þreytu) mega ekki koma inn í skólahúsnæðið.

Góða helgi

Starfsmenn FÍV

Share on facebook
Share on twitter
Share on linkedin
Share on google
Share on print
Ör- hugvekja Landakirkju
Hvað þýðir ást? Svör 4 – 8 ára barna við því
Endurnýjun umferðarljósa Heiðarvegi/Strandvegi
Rafræn foreldraviðtöl gengu vel – 95% foreldra ánægð með fyrirkomulagið
Örhelgistund frá Landakirkju – myndband
Markmiðið að þétta miðbæinn og eldri hverfi með því að byggja á lausum lóðum

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X