25.03.2020
Kári Kristján Kristjánsson, leikmaður ÍBV í handbolta var í sjónvarpsviðtali í kvöld þar sem hann greindi frá því að hann væri smitaður af Covid-19. Kári brýndi fyrir öllum að hlusta á fagfólk sem er að gefa leiðbeiningar um hvernig á að haga sér. Í einangruninni stefnir Kári m.a. að því að verða heimsmeistari í Olsen Olsen og í slönguspilinu. Kári hvetur alla til að missa ekki andann, því ef andinn fer þá er erfitt að berjast, alveg eins og í sportinu.
Við tökum undir orð Kára og biðjum fólk að fara varlega. Þá skorum við á Kára að mæta til okkar þegar sól hækkar á lofti og við verðum laus við óværuna og sýna snilli sína í slönguspilinu. Kári er ekki maður sem neitar áskorunum og hlökkum við til að taka á móti honum um leið og við sendum honum og öllum öðrum baráttukveðjur!
Hérna má sjá viðtalið við Kára visir.is
