Kap VE landaði í Vestmannaeyjum í gær 1350 tonnum af Loðnu
Tígull heyrði í peyjunum og fékk að forvitnast hvernig túrinn hafi gengið.
Við vorum í faxaflóanum, köstuðum 4 sinnum en fengum samt allan aflann úr fyrstu tveimur köstunum. Það voru 750 tonn í þessu kasti sem myndirnar eru teknar og svo fengum við 600 tonn í næsta.
Næstu tvö köst voru hálfgerð BÚMM. Smá bras búið að vera á okkur, glussaslöngur og rör springandi hingað og þangað. En aflinn var eitthvað um 1350 tonn.
Þegar þetta er skrifað erum við rétt ókomnir aftur á miðin og vonum við það besta segir Valur Már Valmundarsson um kl 09:00 í morgun.
Valur Már lofaði okkur að birta þessar skemmtilegu myndir sem hann tók af peyjunum við vinnu í síðasta túr.
