Kap ve Tigull

Kap, Jóna Eðvalds, Ásgrímur Halldórsson og grænlenska skipið Iivid á leið í loðnumælingar næstu helgi

03.12.2020

Ráðgert er að halda til loðnumælinga um næstu helgi á fjórum veiðiskipum.

Mælingarnar eru samstarfsverkefni SFS, Hafrannsóknastofnunar og loðnuútgerða, og kostaðar af þeim síðastnefndu því mælingar í desember voru ekki á rannsóknaáætlun Hafrannsóknastofnunar.

Niðurstöður loðnukönnunar á grænlenska uppsjávarveiðiskipinu Polar Amaroq sem lauk í síðustu viku sýndu austlægari útbreiðslu loðnu en síðustu ár á þessum árstíma (mynd). Það gæti mögulega þýtt að loðnan gangi fyrr suður fyrir land til hrygningar en undanfarin ár. Það, ásamt þeirri staðreynd að óvissa ríkir enn um hvort loðnuveiðar verði leyfðar í vetur, gefur tilefni til að reyna að ná mælingu á stærð stofnsins á þessum tímapunkti.

Skipin sem munu taka þátt í fyrirhuguðum mælingum eru Kap, Jóna Eðvalds, Ásgrímur Halldórsson og grænlenska skipið Iivid. Þrír sérfræðingar frá Hafrannsóknastofnun verða um borð í hverju skipi. Áætlað er að skipin fari til mælinga um komandi helgi og verða við mælingar í allt að sex daga.

Þessi leiðangur nú breytir ekki áður kynntum áformum Hafrannsóknastofnunar um stofnmælingar á loðnu í vetur.

Í þeim er gert ráð fyrir að rannsóknarskipið Árni Friðriksson fari í könnun í byrjun janúar. Í framhaldi af því er ráðgert að fara í tvær mælingar á stærð stofnsins á tímabilinu frá 15. janúar til loka febrúars. Í gangi er útboð um leigu á fjórum veiðiskipum fyrir Hafrannsóknastofnun í þessar mælingar, í samvinnu við Ríkiskaup. Gert er ráð fyrir samtals um 50 sjódögum ásamt 38 dögum á Árna Friðrikssyni.

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search