Fimmtudaginn 5.desember var árlegt jólahlaðborð haldið á Hraunbúðum. Hlaðborðið var að vanda stórglæsilegt og að okkar mati það flottasta í bænum og við erum auðvitað hlutlaus. Tommi yfirbryti og starfsfólk hans í eldhúsinu lögðu nótt við dag við undirbúninginn og afraksturinn eftir því.
Séra Guðmundur hélt hugvekju, Jarl og félagar í lúðrasveit barna fluttu okkur jólalega tóna, karlakór Vestmannaeyja mættu í jólapeysunum og sungu af mikillri snilld. Sönghópurinn Blítt og Létt flutti síðan jólalög og komu öllum í sannkallað jólastuð.
Við kunnum öllu þessu frábæra tónlistarfólki og séra bestu þakkir fyrir þeirra framlag.Við erum ákveðin í því að útbúa danspláss á næsta ári og tjútta líka. Fólkið okkar allt, eldri borgarar og starfsfólk mætti svo í sínu fínasta pússi svo nú eru jólin komin á Hraunbúðum, er greint frá á vef Hraunbúða.
