Jólafundur Kiwanis var haldinn laugardaginn 7. desember og var vel vandað til að venju. Húsið opnaði kl 19.00 og fóru gestir strax að týnast inn en tæplega áttatíu manns mættu á fundinn. Forseti setti síðan fundinn og fór yfir afmælisdaga félaga og bauð uppa smá Jólagrín í myndrænu formi og bað því matarnefnd að bera matinn fram. En það er hefð hjá þeim að Sinawiks-konur sjá um að framreiða dýrindis Jólahlaðborð af stakri snilld og var enginn svikinn af matnum hjá þeim frekar en áður. Að loknu borðhaldi hófst dagskrá með því að Séra Viðar Stefánsson fór með jólahugvekju og ung snót Silja að nafni söng nokkur lög. Bingóið var að sjálfsögðu á sínum stað og voru þeir Halli Bedda og Kiddi Gogga bingóstjórar.
Laugardagur 3. júní 2023
