Tígull byrjaði morguninn á föndurdegi GRV Hamarsskóla, þá er hefðbundið skólastarf lagt til hliðar. Nemendur blandast á milli árganga og föndurstöðvar voru um allan skóla. Það var mikið líf og fjör og greinilegt að allir höfðu gaman að. Föndurdagurinn er á hverju ári og er hluti af jólahefð GRV. Foreldrum var boðið að vera með á þessum degi og hefur verið mikil ánægja með það.
Allir nemendur fara á þrjár föndurstöðvar, frá kl. 8:30 – 9:40, 10:00 – 11:10 og svo þriðja föndurstöðin klukkan 11:30 – 12:40. Skóla lýkur þennan dag klukkan 12:40.
Foreldrum er boðið uppá kaffisopa í matsal skólans þegar nemendur fara í frímínútur. Frímínútur þennan dag verða 9:40 – 10:00 og svo aftur 11:10 – 11:30.
