Þriðjudagur 16. apríl 2024

Jói sá 40 lóur suður á Eyju

„Í gær sá ég þrjár lóur á flugi en hafði ekki tækifæri til að kanna það nánar. Lagði því í leiðangur í dag og
sá þá einar 40 lóur á túninu vestan við Lyngfell. Það gleður margan að þessi vorboði er kominn og
sannkallað fagnaðarefni,“ sagði Jóhann Guðjónsson, oft kenndur við Þrist VE þegar hann sló á þráðinn
rétt í þessu.

„Í dag er 31. mars en það var vika liðin af apríl þegar ég sá fyrstu lóurnar í fyrra. Nú stendur allt til bóta
og vorið komið þó reikna megi með einhverju kalda á næstunni. Það er bara eins og gengur en ritan er
sest upp sem er enn ein sönnunin um betri tíð með blóm í haga,“ sagði Jóhann og er ekki við hæfi að
birta ljóð Páls Ólafssonar sem flestir kannast við:

Lóan er komin að kveða burt snjóinn,
að kveða burt leiðindin, það getur hún.
Hún hefur sagt mér, að senn komi spóinn,
sólskin í dali og blómstur í tún.
Hún hefir sagt mér til syndanna minna,
ég sofi of mikið og vinni ekki hót.
Hún hefir sagt mér að vakna og vinna
og vonglaður taka nú sumrinu mót.

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search