bærinn höfnin

Íslenskur sjávarútvegur í hnotskurn – Raunveruleikinn og áskoranir

Í rúm 3 ár hefur Þekkingarsetur Vestmannaeyja staðið fyrir mánaðarlegum erindum um sjávarútveg sjá hér

Síðustu mánuði hafa erindin farið fram á Zoom.

Erindin eru öllum opin og allir geta tekið þátt. Verið er að höfða til fjölbreytts hóps sem tengist sjávarútveginum.

Miðvikudaginn, 28. apríl kl. 12:00 verður haldið erindi sem ber heitið Íslenskur sjávarútvegur í hnotskurn – Raunveruleikinn og áskoranir.

Aðalframsögumaður verður Eyjamaðurinn Hörður Sævaldsson, Lektor við Sjávarútvegsfræðibraut Háskólans á Akureyri. Hörður hefur um langt árabil kennt sjávarútvegsfræðinemum við Háskólann á Akureyri auk þess sem hann hefur kennt við Háskóla Íslands og Sjávarútvegsfræðiháskóla Sameinuðu þjóðanna. Hann hefur einnig verið gestakennari við ýmsa erlenda háskóla. Sjávarútvegurinn hefur verið sérsvið Harðar, ekki síst sá íslenski, þar sem hann hefur stundað ýmsar áhugaverðar rannsóknir.

Í erindi sínu mun Hörður fara yfir stöðu Íslands meðal helstu fiskveiðiþjóða, auk þess að velta upp helstu áskorunum í virðiskeðju uppsjávar- og botnfiska á Íslandi. Hörður mun setja sjávarútveginn í samhengi við mannfjölda og þá þéttbýlisvæðingu sem hefur átt sér stað um langt skeið í heiminum. Hann mun ræða um framboð á próteini úr sjávarútvegi og hvernig fiskeldi hefur leyst vanda margra þjóða . Hörður mun einnig ræða þá samkeppni sem íslenskir aðilar standa frammi fyrir á alþjóðamörkuðum með hvítfisk. Þessi umræðuefni mun hann síðan tengja við ýmis málefni tengdum íslenskum sjávarútvegi og setja hlutina í samhengi.

Við lofum spennandi, fjölbreyttu, áhugaverðu og alþjóðlegu erindi sem enginn ætti að láta fram hjá sér fara segir Hrafn Sævaldsson hjá Þekkingasetrinu.

Gestir erindisins eru hvattir til að spyrja spurninga meðan á erindinu stendur – enda er það eitt af markmiðum erindanna.

Þeir sem vilja fá tilkynningar um erindin, s.s. áminningar og samantektir geta sent tölvupóst á mig á hrafn@setur.is og mun ég þá bæta viðkomandi á póstlista

Erindið verður á Zoom-tenglinum

Miðvikudagurinn 28. apríl, kl. 12:00. Þátttakendur geta tengst frá kl. 11.45. Erindinu mun ljúka stundvíslega kl. 13:00

Sjáumst á ZOOM

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search