Iðnþing 2020 í beinni útsendingu á föstudaginn | Tígull.is - Fréttir og viðburðir í Vestmannaeyjum
Screenshot 2020-09-15 at 10.12.21

Iðnþing 2020 í beinni útsendingu á föstudaginn

15.09.2020

Nýsköpun er leiðin fram á við

Iðnþing Samtaka iðnaðarins verður haldið í Silfurbergi í Hörpu næstkomandi föstudag 18. september kl. 13.00-14.30. Vegna samkomutakmarkana verður Iðnþing að þessu sinni í beinni útsendingu í stað fjölmenns viðburðar.

Fjölmiðlar eru velkomnir að vera viðstaddir í Silfurbergi í Hörpu en einnig verður hlekkur á beinu útsendinguna sendur.

Samtök iðnaðarins vilja leggja sitt af mörkum til að hvetja til nýsköpunar á öllum sviðum atvinnulífsins nú þegar þörf er á viðspyrnu í efnahagslífinu. Á Iðnþingi 2020 verður kastljósinu beint að því hvernig við mætum áskorunum um fjölgun nýrra starfa. Þar gegnir nýsköpun veigamiklu hlutverki, hvort heldur er í rótgrónum fyrirtækjum eða nýjum sprotafyrirtækjum. Tækifærin liggja víða og á þinginu verður horft til þess hvernig nýsköpun getur drifið vöxt framtíðar.

Logi Bergmann verður fundarstjóri

Á þinginu flytja ávörp Árni Sigurjónsson, formaður Samtaka iðnaðarins, og Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra.

Að loknum ávörpum munu Ingólfur Bender, aðalhagfræðingur SI, og Sigríður Mogensen, sviðsstjóri hugverkasviðs SI, ræða um þá áskorun sem við stöndum frammi fyrir um fjölgun nýrra starfa en skapa þarf 60 þúsund ný störf fram til ársins 2050.

Efnt verður til umræðna með þátttöku eftirtalinna: Þórður Magnússon, stjórnarformaður Eyris, Margrét Ormslev Ásgeirsdóttir, aðstoðarforstjóri CRI, Sigurður Ragnarsson, forstjóri ÍAV, Sesselja Ómarsdóttir, framkvæmdastjóri lyfjagreiningardeildar Alvotech, Guðmundur Fertram Sigurjónsson, forstjóri Kerecis, og Ágústa Guðmundsdóttir, annar tveggja stofnenda Zymetech. Sigurður Hannesson, framkvæmdastjóri SI, lýkur síðan þinginu með samantekt.

Á milli dagskrárliða verður vitnað til orða nokkurra forkólfa í íslenskum iðnaði.

 

Share on facebook
Share on twitter
Share on linkedin
Share on google
Share on print
Ör hugvekja á sunnudegi – séra Guðmundur Örn með hlý orð
Sólakrílin syngja og dansa sig inn í helgarfríið
Fimm litlum pysjum sleppt í gær í lok tímabils
Rafstöð og ljósabúnaður fyrir hindranaljós á Heimaklett kemur vel út á klettinum
Starfsemi og helgihald Landakirkju
Lagfæringar á gönguleið í Dalfjalli

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing

Auglýsingar á vefinn

Auglýsingar sendist á tigull@tigull.is Stærðirnar eru:

  • Stór banner – þver yfir síðuna 1018 x 360 px 
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
X