ÍBV stelpurnar tóku á móti liði Stjörnunnar á Hásteinsvelli í dag kl. 18:00. Fínasta fótboltaveður en fleiri mættu láta sjá sig á leikjum stelpnanna. Staðan í hálfleik var 0-0 og var það þangað til á 85. mínútu þegar að María Sól Jakobsdóttir leikmaður Stjörnunnar setti boltann í þaknetið. Lokatölur því 0-1 fyrir Stjörnunni. Stelpurnar mæta tvíefldar í næsta leik sem er næstkomandi þriðjudag gegn Val á Hásteinsvelli og viljum við hvetja sem flesta til að mæta og styðja stelpurnar okkar.
