Stelpurnar okkar unnu frábæran sigur í gær gegn KA/Þór 26-15 í 13. umferð Olís-deildar kvenna.
Ásta Björt skoraði 7 mörk, Sunna og Harpa Valey 5 hvor og aðrar minna. Marta varði eins og berserkur í markinu, 15 skot og var með 57,7% markvörslu.
Marta var valin Kráar-maður leiksins og er hér á myndinni með Örnu Huld sem var valin Kráar-stuðningsmaður leiksins. Báðar fengu þær að launum gjafabréf frá Kára og co. í Kránni!
Í dag lék svo U-lið kvenna í Grill 66 deildinni gegn Fjölni. Stelpurnar okkar sigruðu gestina 31-27 í flottum leik. Bríet Ómars skoraði 8 mörk, Ksenija 7, Harpa Valey og Ásta Björt 5 hvor og aðrar minna. Darija varði 13 skot í leiknum og Helga Stella 2.
Greint er frá þessu á facebooksíðu ÍBV Handboltans
