Í gær fengu strákarnir í meistaraflokki KA-menn í heimsókn að norðan.
Gestirnir frá Akureyri byrjuðu betur og höfðu frumkvæði fyrstu 10 mínúturnar en þá snéru okkar menn þessu við og náðu undirtökunum. Mest munaði 5 mörkum á liðunum í fyrra hálfleik og staðan að honum loknum var 18-13.
Í síðari hálfleik héldu okkar menn forystunni allan tímann, en gestirnir náðu að minnka mest í 1 mark 26-25 um miðbik hálfleiksins og þá fékk Rúnar Kára að líta beint rautt spjald. Strákarnir sýndu virkilega flottan karakter og náðu aftur undirtökunum í leiknum. Lokatölur voru 35-31, mjög flottur og sannfærandi sigur hjá okkur mönnum.
Björn Viðar varði 11 skot í rammanum (31,4%). Róbert Sig fór mikinn í varnarleiknum og stal 2 boltum, varði 2 skot og var með 7 löglegar stöðvanir.
Mörk ÍBV í leiknum:
Rúnar 7, Dagur 6, Ásgeir 6, Teddi 5, Kári 4, Siddi 3, Sveinn 1, Nökkvi 1, Róbert 1 og Dánjal 1.
Frábær mæting var á leikinn og stemmningin til fyrirmyndar. Þakkar ÍBV stuðninsfólkinu sínu fyrir það.
ÍBV heldur áfram með samstarfið við Krána, en á öllum leikjum meistaraflokkanna í vetur verður valinn maður leiksins og stuðningsmaður leiks (dregið úr Krókódílum).
Að þessu sinni var Rúnar Kárason valinn Kráar-maður leiksins og Sigurfinnur Viðar Sigurfinnsson (Finnsi) Kráar-stuðningamaður dagins. Fengu þeir báðir gjafabréf frá Kára og hans fólki á Kránni að launum.
Næsti leikur hjá strákunum verður á sunnudaginn kemur þegar þeir heimsækja Íslands- og bikarmeistara Vals á Hlíðarenda. Leikurinn verður nánar auglýstur síðar!
