Stelpurnar í meistaraflokki kvenna fengu lið Stjörnunnar í heimsókn í gær í fyrsta leik liðanna í einvígi þeirra í úrslitakeppni Olísdeildar kvenna
Stelpurnar okkur spiluðu hreint frábæran varnarleik í dag og fylgdi virkilega öflug markvarsla hjá Mörtu í markinu í kjölfarið. Þær gerðu gestunum ótrúlega erfitt fyrir sóknarlega og héldu þeim í 6 mörkum í hálfleik en staðan að honum loknum var 10-6.
Í síðari hálfleik var varnarleikurinn hjá liðunum báðum í forgrunni og ekki mikið skorað. Ótrúlega mikil barátta, samvinna og leikgleði skein af okkar stelpum og nýttu þær orkuna í húsinu vel sér í hag. Við fengum fullt hús (miðað við takmarkanir) og hreint magnaða stemningu enda óhætt að segja að alvöru úrslitakeppnis-bragur hafi verið yfir öllu.
Stelpurnar okkur tryggðu sér fyrsta sigurinn í þessu einvígi og eru komnar í 1-0. Lokatölur í dag voru 21-17.
Marta varði eins og áður sagði frábærlega í markinu 12 skot (41,4%)
Mörk ÍBV í leiknum:
- Hrafnhildur Hanna 6,
- Ásta Björt 6,
- Harpa Valey 4,
- Karolina 1,
- Ólöf 1,
- Sunna 1,
- Lina 1
- Elísa 1.
Hrafnhildur Hanna var valin Kráar leikmaður dagsins og Eva Rut Gunnlaugsdóttir Kráar stuðningsmaður dagsins. Fengu þær að launum gjafabréf frá Kránni!
Næsti leikur stelpnanna verður í Mýrinni í Garðabæ á sunnudaginn kl.13:30.
Leikurinn verður í beinni útsendingu á Stöð2Sport en miðasala á leikinn er hafin og hægt er að tryggja sér miða hér: Trix.is
Við treystum á að Eyjamenn fjölmenni í Mýrina á sunnudaginn og styðji stelpurnar okkur til sigurs!
Greint er frá inn á facebooksíðu handboltans.

