Það er komið að fyrsta heimaleik tímabilsins í Olísdeild kvenna. Stelpurnar mæta KA/Þór á laugardaginn klukkan 16:30.
Eins og flestir vita er 200 manna fjöldatakmörkun (á ekki við um börn á grunnskólaaldri). Fólk er beðið um að gæta að 1 metra reglunni á áhorfendasvæði og í stúku og að sjálfsögðu huga að eigin smitvörnum. Ekki verður heimilt að sitja í fremstu röð í stúkunni.
Húsið opnar fyrir áhorfendur klukkan 16:00 og verður reglan „fyrstur kemur, fyrstur fær“ í gildi.
Barnapössunin verður á sínum stað í Sal 1.
Á morgun spilar karlalið ÍBV gegn Keflavík á Hásteinsvelli. Liðin eru að berjast í efri hluta Lengjudeildarinnar en Keflavík er í öðru sæti deildarinnar með 27 stig úr 13 leikjum en heimamenn eru í fjórða sætinu með 25 stig úr 14 leikjum. Leikurinn hefst klukkan 14.00, en hann verður í beinni útsendingu á Stöð 2 Sport.
Á sunnudag kl. 14.00 tekur kvennalið ÍBV á móti Fylki á Hásteinsvelli. ÍBV þarf nauðsynlega á sigri að halda til að tryggja veru sína í Pepsí Max deildinni.Til þess þurfa stelpurnar allan þann stuðning sem völ er á.
