Í upphafi skyldi endinn skoða! Segir Ragnar Freyr Ingvarsson, sérfræðingur í lyf- og gigtarlækningum og
fyrrverandi yfirmaður Covid-göngudeildar Landspítalands, í byrjun facebookfærslu hann veltir upp þeirri spurningu hvort það sé nauðsynlegt að halda áfram að framkvæma jafn mörg PCR-próf og hefur verið gert.
Fátt hefur reynst erfiðara í þessum faraldri en einmitt það – en hann telur að það sé óhætt að fullyrða að COVID-19 hefur breyst.
Omikron sé vægara afbrigði sem smitast eins og engin sé morgundagurinn. Fáir leggjast inn sem hlutfall af smituðum. Fáir lenda á gjörgæslu.
Kostnaðurinn á bilinu 50-100 millijónir á dag
Hann veltir fyrir sér hvernig við ætlum að halda áfram? Er vit í því að framkvæma öll þessi PCR próf? Á að mestu leyti frísku fólki sem hefur litla áhættu á því að veikjast alvarlega, leggjast inn á sjúkrahús eða lenda á gjörgæslu?
Þau eru ekki ókeypis. Ætli kostnaðurinn sé ekki á bilinu 50-100 milljónir á dag.
Væri meiri vit að beina þessu fjármagni inn á spítalann – byggja hann upp til að takast á við þessi veikindi. Prófa bara þá sem eru í áhættuhópum? Vakta þá sem eru í áhættu sérstaklega?
Þurfum við að endurhugsa nálgun okkar?
Horfa lengra fram á veginn? Segir Ragnar að lokum.
Hér er hægt að lesa færslu hans frá facebook.
