Fimmtudagur 26. janúar 2023
Leikskóli Sóli

Í þágu 12-18 mánaða barna verður skóladagur þeirra styttur til kl. 15:00 frá næsta hausti

Fyrir fræðsluráði lá tillaga frá faghópi um gæðastarf og viðmið í leikskólum þess efnis að skóladagur yngsta aldurshóps í leikskólum sveitarfélagsins, þ.e. 12-18 mánaða, verði styttur þannig að börnin verði allajafna ekki lengur en til kl. 15:00 dag hvern í leikskólanum. Það er mat faghópsins að langur skóladagur þessa yngsta hóps er þeim íþyngjandi og því rétt að leggja til styttingu á dvalartíma í þeirra þágu.

Fræðsluráð skoðaði málið gaumgæfilega, m.a. með því að ræða við faghópinn um tillöguna og þann rökstuðning sem liggur að baki henni og snýr að líðan barnanna. Jafnframt kallaði ráðið eftir afstöðu foreldraráða og foreldrafélaga sem var jákvæð. Þá var haft samband við nokkra atvinnurekendur til að kanna hver áhrifin gætu orðið á atvinnuþátttöku foreldra og skv. þeim svörum sem bárust mátti merkja vilja þeirra til að veita þann sveigjanleika sem þyrfti.

 Eftir að hafa farið yfir málið til hlítar og tekið til greina afstöðu og svör fulltrúa hagsmunahópa hefur fræðsluráð samþykkt að stytta skóladag yngsta aldurshópsins til kl. 15:00 frá og með hausti 2023. Er þessi ákvörðun fyrst og fremst tekin með velferð barnanna að leiðarljósi því reynslan hefur sýnt að tíminn eftir kl. 15:00 hefur reynist þeim erfiður þar sem þau hafa ekki úthald fyrir lengri skóladag. Gert verður þó ráð fyrir að hægt verði að sækja börnin í leikskólann til kl.15:15 

Í undantekningartilvikum geta foreldrar sótt um lengri vistunartíma í samræmi við undanþágureglur sem verða gefnar út.

 

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is