06.04.2020
Þær sigruðu úrslitarimmuna á móti Gróttu/KR 3-0, en þriðji og síðasti leikurinn fór fram í gamla salnum þar sem 820 manns mættu og var stemmningin alveg ótrúleg.
Stelpurnar byrjuðu leikinn ekki nógu vel og voru undir 9-11 í hálfleik. Seinni hálfleikurinn byrjaði brösulega og tók Sigbjörn Þór Óskarsson leikhlé þegar staðan var orðin 11-15, hann fór greinilega með einhverja töfraþulu þar sem stelpurnar tóku varnarleikinn í gegn og Vigdís Sigurðardóttir lokaði markinu (varði alls 21 skot). Á aðeins fjórum mínútum breyttist staðan úr 11-15 í 17-15, leikurinn endaði með 19-17 sigri okkar kvenna og lyfti Ingibjörg Jónsdóttir fyrsta titillinum á loft, en í kjölfarið hófst gullaldartímabil hjá stelpunum með mörgum eftirminnilegum titlum. Frábært lið, geggjaður leikur og einstakir stuðningsmenn.
Til hamingju með daginn Sigbjörn Þór Óskarsson, Ingibjörg Jónsdóttir, Andrea Atladóttir, Vigdís Sigurðardóttir, Gudbjorg Gudmannsdottir, Þórsteina Sigurbjörnsdóttir, Eyrún Sigurjónsdóttir, Bjarny Thorvardardottir, Anna Rós Hallgrímsdóttir, Hind Hannesdóttir
Við munum fagna þessum tímamótum með stelpunum við fyrsta tækifæri segir á facebooksíðu ÍBV
Úrklippur frá Eyjafréttum, Morgunblaðinu og DV, fengið á www.timarit.is
