Hyggjast sækja frekari bótagreiðslur á útgerðina vegna vatnsleiðslunnar

Fulltrúar Vestmannaeyjabæjar hafa verið í samtali við innviðaráðuneytið varðandi viljayfirlýsingu milli Vestmannaeyjabæjar og HS Veitna. Aðilar funduðu í gærmorgun og fóru yfir drög að viljayfirlýsingu sem snýr að viðbrögðum við tjóninu á vatnslögninni, lagningu nýrrar vatnsleiðslu í samráði við HS Veitur og frekari framtíðarsýn fyrir vatnsveituna. Þetta kom fram á fundi bæjarstjórnar fyrir helgi.
„Vestmannaeyjabær hefur fengið Garðar Jónsson ráðgjafa til að taka út rekstur vatnsveitunnar og er sú vinna hafin,“ segir í fundargerð.

Þá kom einnig fram að Ríkið hefur skrifað undir viljayfirlýsingu um að koma að nýrri vatnslögn. „Vatnsgjöld á íbúa í Vestmannaeyjum eru mjög há og mikilvægt að bregðast við því. Gjaldskrá vatnsveitunnar í Eyjum er margfalt hærri en á Suðurnesjum þrátt fyrir að um sama eiganda veitnanna sé að ræða.“

Eftir umræður meðal bæjarfulltrúa varð niðurstaðan eftirfarandi afgreiðslu tillaga: „Tjón sem varð á vatnslögninni í nóvember 2023 er verulegt. Vátryggingafélag útgerðarinnar hefur viðurkennt bótaskyldu að tilteknu lögbundnu hámarki og koma bætur til greiðslu á árinu 2024. Ljóst er að tjónið er umfram hámark vátryggingabóta. Bæjarstjórn samþykkir að leitast við, í samstarfi við  HS Veitur, eiganda vatnsveitunnar, að sækja frekari bótagreiðslur til útgerðarinnar til að tryggja skaðleysi íbúa Vestmannaeyjabæjar vegna tjónsins.“ Var tillagan samþykkt með átta samhljóða atkvæðum bæjarfulltrúa.

Þá fól Bæjarstjórn bæjarráði að ganga frá viljayfirlýsingu við HS Veitur byggða á drögum sem liggja fyrir frá innviðaráðuneytinu og snúa að áframhaldandi vinnu vegna tjóns á vatnslögninni, lagningu nýrrar vatnsleiðslu í samráði við HS Veitur og frekari framtíðarsýn fyrir vatnsveituna. „Mikilvægt er að vinnan gangi hratt og vel.“

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is
Search