Fimmtudagur 2. febrúar 2023

Hverfandi líkur á loðnuvertíð

Niðurstaða Hafrannsóknastofnunar á yfirstandandi loðnuleit, sem er rétt ólokið, er að minna sést af loðnu nú en fyrr í febrúar. Þessi niðurstaða er sett fram með þeim fyrirvara að smá svæði er eftir ókannað og um frumúrvinnsla á gögnum er að ræða.
Loðnumælingar rannsóknarskipsins Árna Friðrikssonar og fimm uppsjávarveiðiskipa, Heimaeyjar VE, Hákons EA, Aðalsteins Jónssonar SU, Barkar NK og Polar Amaroq, kláruðust nokkurn vegin í nótt. Einungis lítið svæði út af Húnaflóa er óyfirfarið og mun Árni Friðriksson klára það þegar veður leyfir aftur.

Þetta kemur fram í stuttri frétt á vef Hafrannsóknastofnunar sem birtist í morgun.

„Endanlegar niðurstöður þessara mælinga liggja því ekki fyrir en vegna þeirra hagsmuna sem eru í húfi telur Hafrannsóknastofnun rétt að upplýsa nú að magn hrygningarloðnu er vel undir síðustu mælingu sem framkvæmd var í byrjun febrúar. Þessi niðurstaða er með þeim fyrirvara að smá svæði er eftir og þetta er frumúrvinnsla á gögnum en það eru taldar hverfandi líkur á að niðurstaðan breytist verulega hér eftir,“ segir í frétt Hafrannsóknastofnunar og því bætt við að frekari úrvinnsla mun fara fram á næstu dögum þegar Árni lýkur yfirferð sinni og að því loknu verður greint frá endanlegum niðurstöðum.

Frétt tekin af Fiskifréttir.is

Auglýsingar í blaðið

Skil á auglýsingum er í hádeginu á mánudögum.  Auglýsingar sendist á tigull@tigull.is Stærðirnar eru:

  • Heilsíða 170 x 240 mm + 3 mm blæðing 
  • Hálfsíða 170 x 120 mm + 3 mm blæðing
  • Kvartsíða 84 x 120 mm + 3 mm blæðing
  • Renningur 170 x 60 mm + 3 mm blæðing
  • Kubbur 84 x 59 mm + 3 mm blæðing
 
Hafðu samband fyrir verð tigull@tigull.is eða í síma 856-4250

Auglýsingar á vefinn

Auglýsingar sendist á tigull@tigull.is Stærðirnar eru:
  • Stór banner – þver yfir síðuna 1018 x 360 px
  • Auglýsing hægra megin 310 x 400 px
Hægt er að skoða aðrar stærðir – endilega sendið okkur póst á tigull@tigull.is